|
“ХҮҮХДЭД ЭЭЛТЭЙ СУРГУУЛЬ” болохоор ажиллаж байгаа БАЯНГОЛ ДҮҮРГИЙН 13 ДУГААР ДУНД СУРГУУЛЬ Баянгол дүүргийн 13 дугаар хорооны нутаг дэвсгэрт байрладаг Улсын тэргүүний 13 дугаар сургууль нь 1939 онд байгуулагдсан. 2008-2009 оны хичээлийн жилд 70 дахь жилдээ үйл ажиллагаагаа явуулж байна. Тус сургууль хичээлийн 2 байртай, 68 бүлгийн 2500 гаруй сурагч суралцаж тэдэнд 125 багш, ажилтан үйлчилж байна. Манай сургууль НҮБ-ын Хүүхдийн сантай 2005 оноос “Хүүхдэд ээлтэй сургууль” төслийн хүрээнд ажиллаж Боловсролын яам, Unicef-ийн загвар сургууль болсон. Мөн НҮБ-ын Хүүхдийн сантай хамтран хамран сургах тойргийн хороо 10-р хороо, өрхийн эмнэлэг хорооны цагдаатай хамтран “Нийгмийн цогц суурь үйлчилгээ” төсөлд хамрагдан хүүхдийн эрхийн талаар мэдлэгийг хорооны хөдөлмөрчдөд хүргэсэн. Mанай сургууль өөрийн үнэлгээгээ 2005, 2008 онуудад 2 удаа хийсэн. Өөрийн үнэлгээг хийхдээ Багш ажилчид болон эцэг эхчүүд мөн сурагчид, дүүргийн боловсролын хэлтсийн төлөөлөгч нар хамтран оролцож үнэлгээгээ хийгээд ирэх 3 жилийн ажлаа төлөвлөн үйл ажиллагаа явуулж байна.
Бидний амжилтаас: - 2005 онд Нийслэлийн бүтээлч, хөдөлмөрч хамт олон
- 2006 онд БГД-ийн Тэргүүний сургууль болсон
- 2007 онд Лувсаншаравын нэрэмжит найрал дууны уралдаанд нийслэлд 1-р байр
- 2008 онд Лувсаншаравын нэрэмжит найрал дууны уралдаанд нийслэлд II-р байр
- 2008 оны хичээлийн жилд Улсад Шилдэг менежменттэй Топ-20 сургуулийн нэг
- 2008 онд БГД-ийн “Хүүхдэд ээлтэй сургууль”
Мөн энэ хичээлийн жилд дүүргийн мэргэжлийн аврага багш ажилчид 6 төрөн гарсан - Нягтлан Оюунцэцэг
- Сургалтын менежер Г.Цэрмаа
- Нийгмийн ажилтан Ш.Пүрэвбаатар
- Математикийн багш Б.Хасбаатар
- Биеийн тамирын багш Х.Монхоо
- Бага ангийн багш Ч.Жаргалцэцэг
Эрхэм зорилго: Хүүхдэд ээлтэй сургууль болох Зорилтууд: - “Эелдэг харьцаа-дотно инээмсэглэл
- “Хүүхдийн оролцоо”
- Хүүхдийн “Эрүүл, аюулгүй хамгаалагдсан материаллаг орчин”
- “Мэдээлэл харилцаа”
- “Чанартай боловсрол ирээдүйн баталгаа”
- “Гэр бүлийн ирээдүй хүүхэд”
ХЭС-ийн үндсэн зарчим Хүүхэд бүрийг тэгш хамруулан сургах Эрүүл, аюулгүй таатай орчин бүрдүүлэх Жендерийн мэдрэмжтэй Олон нийтийн оролцоо, түншлэлд тулгуурласан Хэрэгцээтэй, үр ашигтай боловсролыг эзэмшүүлэх ХЭС-ийн бодлогын баримт бичиг ба манай сургуулийн үйл ажиллагаа, СОНОБ-уудын уялдаа холбоо |
